لازانيا بالفراخ او لازانيا بالفاهيتا
المقادير
حوالى 2كيلو صدور فراخ او 7صدور بدون عظم او جلد
2طماطماية
2فلفل اخضر او الوان
2بصلة
3فصوص ثوم كبيرة
ملح وفلفل
بهارات
زنجبيل بودر
ربع معلقة صغيرة قرفة ناعمة
نصف معلقة صغيرة كركم
نصف معلقة صغيرةكسبرة ناشفة
نصف معلقة صغيرة كمون
زيت زيتون
كيس صلصة طماطم او نصف كوب صلصة
نصف كوب ماء
معلقتين نشا
معلقتين او تلاتة صويا صوص حسب الرغبة وممكن الاستغناء عنه بوضع معلقتين خل
مقادير البشاميل
حوالى 10معالق دقيق
10معالق سمن
ملح وفلفل
مكعب مرقة دجاج
8اكواب لبن +شوربة او ماء ساخن
الطريقة
نقطع الخضار جوليان ونقطع الصدور جوليان بعد تنظيف الكل طبعا
نحمى الجريل على النار ونضع زيت زيتون حوالى معلقتين او تلاتة ونضع الفراخ ونقلب ونتبل بكل التوابل والكركم ونقلب
نشوح البصل في طاسة اخرى بزيت زيتون ثم نضيف الفلفل والطماطم ونقلب ونضيف الكل على الفراخ ونظبط التتبيل تانى ونقلب
في كوب او سلطانية بها نصفها ماء نضع كيس صلصة حوالى نصف كوب صلصة ومعلقتين نشا ونقلبهم جيدا ونضيفهم للمقدار على النار ونقلب
نضيف الصويا صوص
نضيف الصلصة بالنشا المذوبه بالماء البارد ويضاف للمقدار
ويقلب الجميع على النار وبعد شوية نطفى بيكون عندنا احلى فاهيتا فراخ ممكن تاكلها
نعمل الباشميل حوالى 10معالق سمن عليهم 10معالق دقيق ويقلب على النار حتى يسخن الدقيق نضيف اللبن والشوربة بحيث يكون 8اكواب او ماء مع مكعب مرقة دجاج ونتبل بملح وفلفل ونقلب حتى ياخذ القوام المطلوب ميكنش سميك يكون وسط ليس بخفيف جدا يكون معتدل يعنى نضيف السوائل واحدة واحدة ونقلب حتى الحصول على القوام المطلوب
اللازنيا نوعين منها الناشف ومنها الطرى الطازج
وبستعمل الاتنين بدون سلق بعتمد على طيابها من البشاميل الموجود بالوصفة
هنا النوع الناشف بيكون ايطالى حلو اوى
هنا النوع الطرى الطازج
بصينية بيركس او اى صينية جافة ندهنها سمن ونضع معلقتين تلاتة بشاميل
نرص وحدات اللازنيا كما بالشكل وهى بتزيد بالحجم لما تستوى وبتقفل الصينية
نضع شوية بشاميل فوق اللازنيا ثم الفاهيتا
ثم جبنة موتزاريلا
ثم باشميل ثم لازنيا وعليها بشاميل يعنى بيكون فوق وتحت اللازنيا
ونكرر ذلك ثلاث او اربع طوابق من اللازنيا حسب رغبتك واخر مرحلة بتكون عليها بشاميل وجبنة موتزاريلا
ندخلها الفرن ونشغل عليها من فوق وتحت او من تحت ثم فوق حسب فرنك
شكلها لما خرجت من الفرن حلو اوى
باقى الفاهيتا نعمل ارز بالكركم ويجمل بالفاهيتا ويقدم روعة لا تفوتكم هذه الوصفة
اتمنى تجربوها ولا تنسونا من دعواتكم حقيقة حلوة اوى انا من عشاق الفاهيتا واللازنيا
وهنا اجتمع الاتنين معا روعة
اتمنى تنال اعجابكم كما نالت اعجاب الجميع وتقبلوا تحياتى
سبحان الله العظيم وبحمده
0 التعليقات:
إرسال تعليق