المقادير
نصف كيلو دقيق
علبة زبادى
نصف معلقة صغيرة ملح
كوب زيت ذرة
ماء دافئ للعجن
الطريقة
نعجن الكل معا ونكورها ونرش دقيق ونتركها عليها ترتاح
طبعا ممكن تخبزيه في الفرن براحتك بس انا بحب اخبزه على البوتجاز ودى طريقتى جيبى صينية البطاطس او الكيك يعنى واقلبيها بالشكل دا وهنخبز عليها
نشكل العجين كور بالشكل دا
على رشة دقيق ونفرد اول واحدة كما بالشكل
نضعها على الصينية نكون ولعنا عليها النار ونخبزها من الجانبين
قلبتها على الجانب الاخر بالمعلقة المقصوصة
رقاقة تانية علت يعنى قبت اذاى شكلها روعة
نحضر صينية وعليها ورق زبدة او مناديل مطبخ او ورق ابيض عادى ونضع عليه الرقاق حتى الانتهاء من الكمية
ويقدم احلى رقاق النصف كيلو عمل حوالى 16 رقاقة
في خلال 15 ق كنا خلصنا خبيزة اصوروا لازم تجربوه هيعجبكم اوى
يقدم في الفطار والعشاء مع جبن المش وجبنة بيضاء بالطماطم وعسل اسود بالطجينة وعسل نحل وكريمة ومربى وجبنة كيرى سائلة واتفضلوا معانا
ممكن نعمل به سندوتشات
هنا رقاق بالكريمة ومربى الفراولة صنع ايديا
رقاق بالكريمة وعسل النحل
رقاق بالجبنة الكيرى السائلة
ويقدم احلى سندوتشات من الرقاق الطرى البيتى اللذيذ لازم تجربوه باذن الله يعجبكم ويعجب كل الاسرة وبالف هنا
لا تنسونا من دعواتكم
اذا انتهيتم من اكل الرقاق وتبقى منه شئ مع انه لا يتبقى شئ طبعا الا اذا ضاعفتى الكمية وعملتى كيلو مرة واحدة ممكن تحفظيه بكيس محكم الغلق وضعيه بالثلاجة اذا كنت هتستعمليه على طول او احفظيه بالفريزر وخرجيه وقت الحاجة ويسخن بالفرن سريعا يعود طرى تانى وبالف هنا
اللهم انى لا ابتغى من وراء ذلك الا رضاك والجنة
استغفر الله العظيم الحى القيوم واتوب اليه
0 التعليقات:
إرسال تعليق