مسابقة اجمل طبق على الفيس بوك للاسبوع الثالث

مسابقة اجمل طبق على الفيس بوك للاسبوع الثالث

وفاز به كل من:-

سها ابراهيم عن طبق ديك رومى
نادية حسن عن طبق الارز
نادية حسن ايضا عن طبق التارت
الف مبروك للفائزين وتمنياتنا لكم بالتوفيق 

الطبق الاول وفازت به سها ابراهيم

ديك رومى

 ديك رومى رستو
اول خطوة ضرورة غسل الديك الرومى جيد جدا بالدقيق والملح والخل
يتم تتبيل الديك بالتالى بصله كبيرة 2 طماطم ملح وفلفل حبهان مطحون حبه واحده جوزة الطيب نصف فنجان زيت اى نوع ذرة او زيتون ورق لاورو ونصف ملعقه جنزبيل لان الجنزبيل له طعم لازع فيكفى نصف ملعقه
يضرب المقدار فى الخلاط ويتم تتبيل الديك اسفل الجلد من الرقبه و بين الوراك وداخل الديك جيدا ويتم عمل نصف كوب مكون من ماء بصل مع 2 لمونه و ملح وفلفل ويتم حقن صدر الديك والوراك عن طريق حقنه حتى يصبح الصدر جوسى ولا ينشف ويترك فى التتبيله ممكن حتى 10 ساعات
يتم تسخين الفرن على درجه حرارة لا تقل عن 280 وحتى 300 درجه
يوضع الديك فى صينيه بها جزر وبصل وطماطم وكرفس حتى لايلتصق الديك فى الصينيه ويوضع الماء ويغطى جيد جدا الديك بورق الفويل ويوضع فى الفرن ويتم تزويده بالماء كلما احتاج حتى النضج
معلومه ..يتم نضج الديك الرومى على حسب وزنه وكل كيلو جرام وزن يحتاج حوالى 35
دقيقه للتسويه
بعد التأكد من نضج الديك نرفع ورق الالومنيوم ونتركه حتى يحمر ويصبح باللون الذهبى
علامة نضج الديك الرومى
هو انة اذا غرس سكين فى الورك يكون ناضج ( اذا نضج الورك نعرف انه باقى الديك قد نضج )
وبالهنا والشفا
ست البيت

الطبق الثانى ارز وفازت به نادية حسن الف مبروك نادية

الرز بالكبد والقوانص
الطريقه والمقادير بحسب الرغبه
اقدح سمن على قدر كميه الرز اللى هاعمله
وانزل بيه مستكه تسيح
انزل بالرز والسمن ساخن جدا والتقليب مستمر
اول ماياخد الرز اللوت الكافيه الفاتح انزل عليه ببصل مفروم وشوية حبهان بودر وقرفه بودره ومش عايزه البصله تتحمر اول ما سقطها هاتشف انزل على طول بالشوربه والملح
احط الشوبه لكل كوب رز كوب ونصف شوربه واول ما يبداء يتشرب
احط عالجنب شوية زبيب ياخدو البخار واغطى عليهم
اسوى الكبد على بال الرز مايتشرب
الكبد والقوانس بعد غسيلهم وتقطيعهم
اسلق القوانس بالبصل والمستكه والحبهان ولما تنشف ميتها وتستوى احط فصين توم مفرومين والكبد وملعقة سمنه واشوح
ارجع للرزاستوى والريحه روعه
بجيب بوله واحط الكبد والقوانص وانزل بالرز عليهم واقلب يامعلم وممكن يضاف لوز او كاجو محمر للى بيحب

الطبق الثالث وفازت به نادية حسن الف مبروك نادية

عن طبق التارت

تارت الشكولا مع صوص التوفى
المقادير والطريقه
تلت كوب زبده حرارة المطبخ
تلت كوب سكر ناعم
اخلطهم كويس لحد مايصيرو زى الكريمه ثم اضيف لهم
كوب وربع دقيق مع ربع ملعقه صغير بكن بودر واخلطهم مع بعض كويس لحد مالقاهم زى الحبيبات اضيف لهم
صفار بيضه مع فانيليا واعجنهم كويس لحد ماتتكور واتركها ربع ساعه ترتاح
ابطن صنية التارت بسمن ودقيق وابطط العجينه فيها واخبز على 160 وربع ساعه بتكون استوت واحمر الوش واخرجها تبرد

مقادير الحشو والتزين
2علبة قشطه
100جرام شكولا خام غامق
علبة كريم كراميل
مكسرات
الطريقه
بعمل الكريم كراميل بالارشادات اللى موجوده على العلبه واضيف له علبة قشطه وديه اختيارى للى يحب واتركه يبرد ويجمد بالتلاجه
ولما جمد مديته فوق التارت
واجهز شكولاته الوجه اعمل حمام مائى للشكولا واضيف لها مكسرات وتلات ارباع علبة القشطه والقشطه هنا اساسى واتركهم بالحمام الساخن لين يصيرو خليط لزج
اتركه يبرد واضيفه فوق الكريم
اكرمل تلات ملاعق كبار سكر ويبقى لون الكراميل ارفعهم من عالنار واضيف لهم الربع الباقى من القشطه كده بقا عندى طوفى انا عبيته بقلم التزين ورسمت خطوط عشوائيه
وغمست مكسرات التزين بشيره عشان تفضل لامعه وزينت بيها الوجه والطعم كان خيييال اكتر من رائع الحمد لله

الف مبروك للفائزين 

مع تحياتى الادمن / سوزان مقاوى

Posted in: مسابقة اجمل طبق على الفيس بوك