المقادير
كيلو لبن
الطريقة
نضع اللبن في برام نظيف وجاف بدون تسخين يعنى من السوبر ماركت على البرام على طول ويوضع في مكان دافى مثل فرن البوتجاز بعد ما ندفيه يعنى نشغل الفرن 2دقيقة ونطفى ثم نضع فيه برام اللبن ونغطيه بفويل وممكن وضع قماشة عليه
ونقفل الفرن وتانى يوم نشوف البرام نحرك بسيط اذا وجدناه اللبن تجمد وبقى قشطة نخرجه ونضعه وهو متغطى بالثلاجة بالفويل بس لعددة ساعات للقضاء على البكتيريا
او لعمل الرقاق الطرى خدى القشطة من على الوش واعجنى باللبن الرايب ال تحت
شايفين اللبن الرايب متماسك ذى الزبادى
اولعمل البكاكين الفلاحى اعجنى به كله بدون نزع طبقة القشطة ال هى الكريمة اللبانى
اتمنى الوصفة تكون عجبتكم سهلة خالص ومفيدة ومغذية ونظيفة عشان من صنع ايدك
تقبلوا تحياتى
سبحان الله والحمد لله والله اكبر
3 التعليقات:
اتشرف اني اكون اول من يعلق على الموضوع الجميل ده وخصوصا انها طريقة ورثناها
عن جدودنا ...ولكن مع احترامي ليكي..موضوعك ينقصه القليل من التفصيل في بعض النقاط
زي مثلا...لو مغطيتوش بفويل ايه الي يحصل....وكمان عدد الساعات بالضبط لبقائه في الفرن
مفيش حاجة اسمها من الصبح لبليل كده......وكمان لو انا حركته وملقيتوش جمد هل كده
خلاص خرب ولا عادي استمر في تركه وبعدين هيجمد
انا على فكرة بسأل الاسئلة الكتيير دي لأنه انا قبل ما اشوف الموضوع عملته وخرب مني مرتين
مرة لأن البرام كان مخروم من تحت خرم صغير .....ومرة معرفش ليه لاكن الوش كان
جامد وتحته كان مية يعني مجمدش كامل
وشكرا ليكي
ايوة لازم يتغطى البرام عشان يتكمر ويدفى اللبن مع بعضه بعيد عن اى هواء وداخل فرن مشغل مسبقا ثم نطفيه فيكون دافى واكيد يكون برام سليم وجاف من اى مياه وياخد حوالى 12 الى 15 ساعة بالفرن او مكان الحفظ هذا وبلاش كلمة من بالليل ال مزعلاج واكيد هنتأكد برده لو لسة مجمدش نسيبه عددة ساعات اخرى وان شاء الله هيكون كويس اهم حاجة ميكونش ساقع يعنى طازة لسة جايباه اتمنى اكون افدتك ورديت عليك واعتذر على الاطالة والتأخير فى الرد
واخيرااااااا عرفت طريقته تسلم ايديكي البرام دا كان بيجيلنا زمان هديه في برام فخار فعلا من ناس بيبقي عندهم ابقار وجاموس وكان تحفه واخر كام سنه كان بيجيلنا في علب بلاستيكيه الامر اللي زاد حيرتي
ونفسي من زمان اوصل لطريقته ومش عارفه عندنا بيتسمي (ماجور الرايب) وكنا بناكله كدة اطعم من اي زبادي واحلي قشطه علي وشه بس انا كدة قلقانه من فكرة اني اللبن مش مغلي 😵 وكمان اللبن اللي بنشتريه كدة كدة بيبقي ساقع اي بتاع لبن بيحطه في ثلاجه هل كدة ينفع ولا لا? وفي الجو البرد دة هياخد وقت اكتر? وامتي اقول انه باظ مني 😨 بعد اد ايه فترة ?حابه اجربه بصراحه مهما كانت النتايج
إرسال تعليق