المقادير
3اكواب دقيق
معلقتين سكر
معلقة خميرة فورية
ومعلقة صغيرة بيكنج بودر
ونصف كوب سمنة او زبدة
وكوب ماءدافئ اواقل من كوب
الطريقة
نضيف المكونات الجافة معا نقلبها ثم نضيف السمن بعد ما نسيحه على النار انا استخدمت زبد ونعجن الكل بباقى المقادير
نسبيه تخمر ساعة
نحضر السكر البنى وال معندهوش يجيب السكر العادى ويضيف عليه معلقة عسل اسود ويقلب نحصل على سكر بنى نضيف عليه معلقة قرفة
هنا العجين خمر تمام الله اكبر
نحضر كل حشواتنا السكر البنى بالقرفة وانا حبيت احشى جزء بالموز وممكن تحشى بالمكسرات والزبيب حسب رغبتك بس ثبتى الحشوة الاساسية وهى السكر بالقرفة ولدهن الوجه نحضر بيضة وفانيليا وشوية نسكافيةنقلبهم معا
نأخد جزء من العجين ونضع بداخله الحشوة (سكر بنى وقرفة) ونقفل كورة ونبل وجهها بالبيض ثم السمسم
بالشكل دا
ونضعها بصينية مدهونة خفيف زيت ونفردها شوية بس باليد
واحدة تانية نحشيها بالحشوة الاساسية ونزود شرائح موز بيبقى طعمه حلو اوى واحنا عملناه من قبل في الكنافة وفى السينابون بيدى طعم خطير
بالشكل دا ونتركه يخمر تانى
هنا بعد ما خمر
في جزء حشيته جبن بس من غير سكر طبعا يعنى دا صنف حادق
وعملتة مثل الخبز الباتيبان عشان افرق بينهم
ندخله الفرن على درجة حرارة 180من تحت وبعدين تحت الشواية يحمر
من جوا هش وخفيف وطعم الحشوة حلو اوى
هنا الموز بيسيح شوية وبيكون طعمه حلو
قرص على شكل باتيبان عجبتهم اوى بيحبوا حشوات الجبن الكيرى وبتنفع المدرسة
ايه رايكم
الاطفال بتفرح بالمخبوزات اوى وانا كمان بحب كل المعجنات بتدى دفى للبيت
ايه رايكم فطار غير شكل يفرحوا به لما اصحيهم الصبح اتمنى الوصفة تعجبكم مثل ما عجبتنى من صديقتى ياسمين وقلت اجربها وعجبت اولادى وربنا يسعد اولادنا جميعا ويفرحنا بنجاحهم يا رب
سبحان الله العظيم وبحمده
0 التعليقات:
إرسال تعليق