المقادير
نصف كيلو فراخ بانية
ربع معلقة صغيرة قرفة
ملح وفلفل
علبة زبادى
معلقة كبيرة عصير ليمون
2فص ثوم
2معلقة خل
2معلقة صويا صوص او بدون
1معلقة مسطردة او بدون
1معلقة صغيرة بابريكا
معلقة بهارات
معلقة صغيرة كمون
معلقة صغيرة كسبره ناشفة
2طماطم مقطعة جوليان او مربعات
فلفل الوان جوليان
2بصلة جوليان او فرم خشن
زيت زيتون
الطريقة
نتبل الفراخ المقطعة جوليان اى شرائح طولية بالزبادى وكل البهارات ونتركها ساعة او اتنين كفاية عشان نحس بطعم الفراخ
نضع على الجريل زيت زيتون حوالى معلقتين تلاتة ولما يسخن ننزل بالبصل يتشوح شوية يدبل يعنى شوية ثم ننزل بالفراخ الجوليان ونقلب حتى ينزل ماؤه ويشربها تانى ووننزل بالفلفل الالوان ثم الطماطم ونقلب حوالى من 5الى 10 دقائق ونطفى النار
وهنا بيكون الشاورمة جاهزة عندى اما نعمل بها ساندوتشات شورمة بخبز التورتيلا وموجود الطريقة بالموقع
او نعمل فتة الشاورمة ونعمل ارز اصفر
طريقة الارز الاصفر
بوضع معلقة سمن على النار ثم نصف معلقة كركم او كارى ونفلب لما يسخن نضيف 2كوب ماء وملح وفلفل ونغسل الارز 2كوب ونضيفهم للاناء ونقلب ونتركه حتى يستوى ونوطى النار ونقلب الارز ونسقيه بمعلقتين سمن ونتركه حتى يستوى وبكدا نون حصلنا على ارز اصفر وطريقته موجودة بالموقع ايضا
للحصول على خبز مقرمش للفتة
نقطع 2رغيف او حسب الرغبة ويكون خبز شامى ابيض ونقطعه بالمقص نظيف وخاص للمطبخ ونقطعه اربعة ثم 8 ثم نصغر التقطيع اكتر ويقلى بالزيت الغزير الحامى ويرش بالملح وهو على النار نحصل على عيش مقرمش لذيذ
ونحضر الثومية 2معلقة مايونيز وعليهم معلقة زيت وذرة ملح وفلفل ومعلقة صغيرة خل وفص ثوم مفروم ونقلب
نضع العيش المقرمش بطبق التقديم
نضع الارز الاصفر ثم نضع الشاورمة على الوجه
نضع الثومية بكيس حلوانى بلاستيك او اى كيس ساندوتسات عادى ونقص الطرف ونشكل رسمات من الثومية على وجه الطبق للتجميل
ايه رايكم في فتة الشاورمة جميلة ولذيذة لازم تجربوها هتعجب الكبار والصغار
اتمنى وصفتنا اليوم تكون عجبتكم اراكم في وصفة جديدة بموقعنا اجمل طبق
دمتم لى احبائى ولا تنسوا ذكر الله
لا اله الا الله محمد رسول الله
0 التعليقات:
إرسال تعليق