كعب الغزال
المقادير
كيلو دقيق
شمروينسون معلقة كبيرة
نصف معلقة ملح
ربع معلقة محلب اختيارى
3معالق كبيرة سمسم
2.5كوب زيت
معلقة كبيرة خميرة
2معلقة سكر
3معالق لبن بودرة اختيارى
ماء دافئ للعجن
للحشو
عجوة مفرومة ناعم
معلقتين سمن
جبن كيرى او اى نوع
الطريقة
نخلط المكونات الجافة معا
نقدح الزيت ونضع الخميرة والسكر في نصف كوب ماء دافئ حتى تخمر اذا كانت خميرة بلدى
اذا كانت فورية تضلف للدقيق على طول هى والسكر
المكونات المكتوب بجوارها اختيارى ضيفيها او لا بس بصراحة بإضافتها الطعم جميل جدا احلى من الجاهز
نقلب المكونات الجافة ثم ننزل عليها بالزيت واحدة واحدة وكله بالعجان وطبعا ممكن نقلبه بالمعلقة الخشب واحدة واحدة
هنا العجين اتبث كويس نبدا نضيف الماء الدافئ واحدة واحدة
تاخد حوالى كوب الى كوب ونصف ماء دافئ حسب الدقيق ونلم العجين باليد كويس ونتركه يخمر بعد لفه بالبلاستك
ونضعه بمكان دافئ
هنا العجين خمر تمام بعد ساعتين او اكتر
نجهز الحشو
نعجن العجوة بالسمن جيدا ونصبعها صوابع طويلة
نفرد جزء من العجين بالشكل دا ونضع به العجوة ونلف عليه العجين
ونقطع
يرص بصاج الفرن بوضع ورق زبده بدون دهن وندخلها الفرن على درجة 180
بعد دهن الوجه ببياض بيضة ومعلقة سكر ومعلقة لبن
وممكن نعمل كعب الغزال بالجبن ونستخدم جبن كيرى او اى نوع مفضل لديك
ونرش على الوجه سمسم
ايه رايكم بجماله كعب الغزال بالعجوة
وهنا بالجبن طعمه كتييييييييييييييير حلو جروبوه
احلى كعب غزال لماما الغالية ربنا يخليك يا امى وترجعى من العمرة بالسلامة يا رب وعقبال الحج وعقبالكم جميعا
0 التعليقات:
إرسال تعليق