مقادير السويسرول
4بيضة
120جم سكر
80جم فسدق مطحون
40جم لوز مطحون
50جم دقيق يعنى كل المقدار 170جم ممكن تعمليه كله دقيق براحتك
قطرات من ملون الطعام لون اخضر
مقادير موس الفراولة
نصف كيلو بودرة موس فراولة من عند محل خامات الحلوانى
لبن
مقاديرة بالبيت
نصف كيلو فراولة
2معلقة جيلاتين بودر
كريم شانتية حوالى 2كوب بالمعلقة المعيار
الطريقة
نفصل البياض عن الصفار ونضرب الصفار بالسكر والفانيليا
ونضرب البياض بذرة ملح حتى يصير كالثلج نضيف الاصفر على الابيض ونقلب بخفة ونضيف المكونات الجافة بخفة معلقة معلقة ونقلب حتى نحافظ على ارتفاع البيض
ونضيف ملون الطعام حتى الحصول على اللون الاخضر
نضعها بصينية السويسرول المدهونة سمن ومرشوشة دقيق وعليها ورق زبدة مدهون ومرشوش دقيق او ورق فويل ويوضع بفرن على درجة 180لمدة 10 او 12دقيقة فقط
نطلعها على فوطة مبلولة ومعصورة كويس ونتركها تبرد قليلا ونجهز كريم شانتية ومربى او شيكولاتة نوتيلا مثلا وندهنها ونلف سويسرول ونلفها بورق فويل وندخلها الثلاجة ساعتين
نجهز موس الفراولة ونضربه بلبن بارد نضع شوية شوية حتى الحصول على قوام متماسك مثل الايس كريم
نحضر بولة ونضع فيها سولفان وهو البلاستيك المخصوص للمطبخ ونقطع السويسرول كالمعتاد ونرص بالبولة من كل الجوانب
طريقه موس الفراوله
عبارة عن نص كيلو فراولة
مضروبة مع سكر فقط
علشان تبقى مركزة
نحطها تغلى عقبال ما الجيلاتين يدوب
هندوب شريحتين جيلاتين فى مية سخنة ربع ساعة او 2معلقة جيلاتين بودر
وبعدين نصفية كويس ونضيفة للفراولة لما تغلى ونسيبها تبرد
خالص
هنضرب كريم شانتية زى ما تحبى المقدار انا عملت كوبايتين
ونضيف الفراولة على الكريم لحد ما نحس انة بقى كويس
منضيفش الفراولة مرة واحدة لحسن يسيح
نضيف جزء من موس الفراولة ثم اى فاكهة موجودة عندك او مكسرات كما تفضلى
ثم نضيف جزء اخر من موس الفراولة ثم نوع اخر من الفاكهة
وهكذا حتى الانتهاء من الكمية
نقفل البولة بالسوليفان من فوق ونضعها بالثلاجة لتانى يوم او بالفريزر عددة ساعات
وتقدم تورتة على شكل سلحفاة عملنا الرأس من الكنتالوب وثبتيها بخلة
وكذلك الارجل وبالف هنا تورتة تسعد الصغار والكبار
الحمد لله
سبحان الله وبحمده سبحان الله العظيم
0 التعليقات:
إرسال تعليق