المقادير
فرخة او اتنين حسب افراد الاسرة
طماطم
جزر
بصل
برتقال
مسطردة
ملح فلفل اسود
الطريقة
نغسل الفراخ جيدا
ندعكها بملح وفلفل ومسطردة من برة ومن الداخل
نقطع الجزر جوليان والبصل والطماطم قطع ونبشر برتقالة
نضع البوكية جارنية بالصينية
نحشى الفرخة كويس من نفس البوكية جارنية السابق
نقفلها بخلة اسنان ونسخن الجريل على النار ونضع الفراخ تاخد صدمة من كل جانب
نعصر البرتقال يدويا اوب المعصرة الكهربائية بدون ماء
نصب نصف كوب عصير البرتقال بالصينية
نضع الفراخ ونصب عليها باقى عصير البرتقال
نضع قطع من الزبدة على الفراخ وندخلها الفرن وعندما تحمر جيدا نغطيها بالفويل حتى يكتمل السوا بتاخد حوالى ساعة او اكتر
ناخد الخضار تحت الفراخ جزء منه ونعصرة
نضع معلقة سمن ومعلقة دقيق على النار يسخن ثم نضيف الصوص السابق ال عصرناه ونضيف ماء حتى يكون قوامة مثل البشاميل
باقى البوكية جارنية ممكن يقدم في طبق صغير للاكل بيكون طعمه حلو اوى
نجهز طبق التقديم ونجمله بالبرتقال ونضع الفراخ ونلمع الوجه بفرشاة بسمن
طبعا ممكن نلمع الوجه بالصلصة المجهزة
ولكن تركت كل شخص ياخذ منها براحته
تقدم فراخ بالبرتقال مع صلصة البرتقال اللذيذة
وصلصة الطماطم جميلة اوى مع المشويات
ويقدم بالف هنا فراخ بالبرتقال مع صلصة البرتقال الشهية
0 التعليقات:
إرسال تعليق